Американскиот претседател Доналд Трамп денеска изјави дека размена на затвореници меѓу милитантната група Хамас и Израел ќе се одржи в понеделник или вторник, додавајќи дека војната во Газа е завршена и дека е постигнат траен мир, објави Скај Њуз.

„Ја завршивме војната и во многу поголем обем воспоставивме мир и мислам дека тоа ќе биде траен мир, се надевам вечен мир“, рече Трамп.

Во исто време, Трамп им се заблагодари на Катар, Египет и на Турција за нивното посредништво и учество во мировните преговори и најави обнова на Газа.

„Мислам дека ќе видите некои огромни земји како се вклучуваат и инвестираат многу пари“, рече Трамп.