Се обидуваме од лоша ситуација да извадиме максимум и да го промовираме еспортот. Свеста беше прилично многу мала и впечаток беше дека овој спорт ставува зависност и дека е лош по здравјето. Но не е така, бидејќи покрај психичките способности ги развиваме и физичките способности на децата кои учествуваат, изјави во „Утрински брифинг“ на „Слободна ТВ“ претседателот на Македонската еспорт федерација, Бобан Тотовски.

-Има некој систем како се преминува тоа, после два часа тренинг на комјутер да се стане да се има физичка активност. Во Македонија има осум клубови кои и официјално се членови на македонската еспорт федерација. Во моментов спроведуваме светско првенство – од Америка до Јужна кореја, вели Тотовски.

-Бизнисот во овој спорт и индустрија е огромен. Станува збор за 1,5 милијарди и гејминг индустријата е финансиски повеќе вредна од музичката и филмската индустрија заедно. Предноста е дека сè е дигитално и е достапно низ целиот свет, рече Бобан Тотовски.

Целиот разговор погледнете го во видеото: