Синоќа во НБА кошаркарската лига силите ги одмерија Никола Јокиќ и Домантас Сабонис. На крајот, Литванецот имаше причина за славење, бидејќи неговиот Сакраменто го совлада Денвер со 135:106 (32:35, 35:22, 39:29, 29:20).

Српскиот центар беше најефективниот играч во тимот од Колорадо, но тоа е слаба утеха бидејќи тимот од Калифорнија им го нанесе еден од најтешките порази на Нагетс.

Јокиќ мечот го заврши со 23 поени, осум скока и седум асистенции. На теренот помина речиси 30 минути, а од поле шутираше 9/17 – за три (1/1).

Во победничкиот тим најдобар беше Малик Монк со 23 поени, додека Сабонис забележа „трипл-дабл со 17 поени, 17 скока и 10 асистенции.

Нагетси се четврти во Западот со скор 36-17, додека Сакраменто (30-21) се шести во истата конференција.

НБА лига, резултати –

Филаделфија – Атланта 121:127
Бостон – Вашингтон 133:129
Торонто – Хјустон 107:104
Милвоки – Шарлот 120:84
Сакраменто – Денвер 135:106
ЛА Лејкерс – Њу Орлеанс 139:122