ВИДЕО: Спектакл во Ријад, Реал го совлада Атлетико за финале во шпанскиот Суперкуп
Го дознавме првиот финалист во шпанскиот Суперкуп чија завршница се одржува во Ријад, Саудиска Арабија. Денеска фудбалерите на Реал Мадрид во еден спектакуларен натпревар во првото полуфинале со 5:3 триумфираа над Атлетико Мадрид.
Уште во шестата минута поведоа „јорганџиите“ со голот на Хермосо, следува пресврт на „кралевите“ со погодоците на Рудигер во 20 и Менди во 29 минута. На пауза се замина со нерешени 2:2 откако Гризман по асистенцијата на де Пол се погрижи за нов егал.
Атлетико повторно водеше од 78 минута по автоголот на Рудигер, но играчите на Карло Анчелоти не се предаваа и постигнаа нов погодок во 85 минута преку Карвахал.
Натпреварот отиде во продолженија, а таму непосредно пред завршувањето на додатните 30 минути, Реал направи нов пресврт кој се покажа како победнички. Савиќ во 116 минута си постигна автогол за 4:3, а во судиското надополнување (120+2`) победата на Реал ја донесе Дијас.
Противник на Реал Мадрид во финалето на 14 јануари ќе биде победникот од дуелот меѓу Барселона и Осасуна кој е закажан за в четврток.