Манчестер сити во 37 коло од Премиер лигата на домашен терен со 1:0 го совлада Челси на стадионот „Етихад“. „Граѓаните“ во саботата и математички ја обезбедија третата титула по ред шампион на Англија, и сега пред своите верни навивачи ја прославија со триумфот над лондонските „сини“.

Стрелец на единствениот гол беше Хулијан Алварез во 12 минута од средбата. Истиот играч можеше и по вторпат да се најде во листата на стрелците во 71 минута, но по ВАР снимката беше утврдено дека Ријад Марез играше со рака.

Пеп Гвардиола за овој меч се одлучи да настапи во комбиниран состав, а по завршувањето на натпреварот следува следуваше церемонијата на доделување на трофејот.

На премиерлигашката табела Сити после 12 победа во низа е на првото место со 88 бодови, додека второпласираниот Арсенал има седум бодови помалку и натпревар повеќе. Челси е на 12 место со 43 бодови.

Во неделата Вест хем со 3:1 го совлада Лидс, додека со истиот резултат Брајтон беше подобар од Саутемптон.

And your @premierleague champions… Manchester City! 🥇 pic.twitter.com/yGepxj7JTE

— Manchester City (@ManCity) May 21, 2023

ВИДЕО: Брајтон избори историски пласман во Европа