Фудбалерите на Лидс пропуштија уште една шанса да освојат важни бодови во трката за опстанок во Премиер лигата.

Денеска на гостувањето кај Вест Хем играчите на Сем Алардајс загубија со резултат 3:1, иако имаа водство од 17 минута со голот на Родриго.

„Чеканите“ на стадионот во Лондон направија целосен пресврт со погодоците на Рајс, Боуен и Ланцини. Вест хем после 11 победа сезонава е на 14 позиција со 40 бодови, додека Лидс е во опасната зона на 18 место со 31 бод.

До крајот на сезоната, засега сигурниот Евертон е на 17 место со 33 бодови, својот последен меч ќе го има на 28 мај дома против Бурнмаут, а истиот ден Лидс ќе го пречека Тотенхем.

Лестер кој и натаму има шанси да обезбеди опстанок во Премиер лигата, со два меча помалку е на 19 позиција со 30 бодови. Играчите на Дин Смит ќе му гостуваат на Њукасл, а на 28 мај пред своите навивачи ќе играат против Вест Хем.