Maнчестер Јунајтед и Барселона вчера одиграа одличен натпревар кој на крајот заврши без победник 2:2, покрај четирите гола видовме и уште многу шанси на двете страни.

Најдобар во редовите на Барселона со гол и асистенција беше Рафиња кого Чави се реши да го замени во 76. минута, на негово место во игра влезе Феран Торес. Ваквиот потег на Чави воопшто не му се допадна на Рафиња кој буквално збесна и удираше по столчето, а претходно не се ни поздраво со Торес.

Незадоволни од ваквата замена беа и навивачите кои испратија свирежи. Жорди Алба на клупата се обидуваше да го смири својот соиграч, но немаше баш голем успех. Сепак и Рафиња со „ладна глава“ подоцна сфати дека не во ред таквиот однос и се извини.

„Сакам јавно да им се извинам на сите, посебно на тренерот. Му се извинувам и на Феран Торес, но и на целиот тим и навивачите. Понекогаш имаш голема желба да помогнеш на тимот и не можеш да ги контролираш своите потези. Веќе разговарав со Чави, жал ми е“, изјави Рафиња.

Xavi has blood on his hands for making raphinha do like thispic.twitter.com/EuxBvCIMLl

— SAM (@Fcb_s_a_m) February 16, 2023