ВИДЕО: ПСЖ против Монако покажа кој е газда во „Лига 1“
Фудбалерите на ПСЖ дојдоа до шестата победа во низа сезонава во рамките од француската „Лига 1“. Париските „светци“ со 5:2 (2:1) беа подобри од Монако кој продолжува со своите лоши партии на гостинските терени.
Поведоа домаќините преку Гонсало Рамош во 18 минута, но само четири минути подоцна Минамино се погрижи за израмнување.
До крајот на првото полувреме Килијан Мбапе со својот 301 гол во кариерата му донесе ново водство на ПСЖ од пенал.
Усман Дембеле во 70 минута ја зголеми предноста на ПСЖ, а 120 секунди подоцна во листата на стрелците се запиша и Витиња. Монако постигна уште еден гол во 75 минута преку Балогун, а конечниот епилог го постави Рандал Коло Муани во судиското надополнување (90+6`).
ПСЖ стигна до 30 бодови и се наоѓа на првото место на табелата, додека Монако е трет со 24.