ВИДЕО | ПСЖ лесно ја победи Ница и се искачи на врвот во Лига 1
Tимот на Пари Сен Жермен повторно е лидер во француската Лига 1 откако вечерва со 3:0 го совлада Монпелје.
За клубот од француската престолнина ова беше седма победа по 11 одиграни натпревари. Килијан Мбапе вечерва не беше расположен за голови или асистенции, сепак и во таква ситуација избраниците на Луис Енрике дојдоа до триумф.
Лидер на теренот во овој натпревар беше Осман Дембеле кој го разигруваше тимот и го одигра најдобриот натпревар откако е во ПСЖ.
Резултатот беше отворен по само десет минути игра кога Ли Канг-Ин ја погоди противничката мрежа. Тој гол беше и единствен во првото полувреме. На стартот од вториот дел асистенцијата на Дембеле ја искористи Заир-Емири. Конечните 3:0 ги постави Витиња на половина час пред крајот на средбата.
ПСЖ со овие три бода е лидер на табелата со два бода (24) повеќе пред Ница која во понеделник го игра својот натпревар од ова коло против Рен.