ВИДЕО | Поранешна милионерка решила да живее во комбе: Трошам по 30 долари дневно
Поранешната мултимилионерка Кејтлин Пајл одлучила да го напушти својот луксузен начин на живот и да стане дигитален номад. Кејтлин има 36 години и водела компанија за лекторирање, а нејзиното богатство вредело четири милиони долари, пишува „Њујорк Пост“ (New York Post).
Таа тогаш живеела со својот сопруг во осумкатница на Флорида, но по разводот решила да го сврти животот и да ја продаде компанијата. Таа сега ја издава својата палата со 18 соби, за која морала да плаќа околу 180.000 долари годишно како трошоци за одржување.
Кејтлин го купила комбето за 88.000 долари и вложила дополнителни 102.000 долари (нешто помалку од 94.000 евра) во неговата реставрација. Таа сега патува низ САД и пробува нови активности како планинарење, додека работи на интернет како животен тренер (мотивационен говорник).
„Ова беше најдобрата одлука што сум ја донела. Порано земав неколку скапи одмори годишно. Тоа не беше одржливо. Сега трошам 20 до 30 долари дневно и го живеам животот каков што отсекогаш сакав да го живеам”, признала таа и додала дека не планира да да се откаже од номадскиот живот.