ВИДЕО | Почина „човекот од дупка“, последниот член на домородно племе во Бразил
Почина последниот припадник на бразилското староседелско племе во домородната област Танару, во сојузната држава Рондонија, кое немало контакт со другата цивилизација. Ова во саботата го соопшти бразилската Национална агенција за заштита на домородното население – Фунаи.
Службеници на Фунаи на 23 август го пронашле телото на мажот во лежалка во кабина. Немало знаци на борба, насилство или присуство на други луѓе.
„Тој починал од природна смрт, а неговото тело ќе биде дадено на вештачење“, соопшти Агенцијата.
Incredible footage has been released of an uncontacted indigenous man who has lived alone in an Amazon forest for at least 22 years
Follow this link for more stories like this: https://t.co/iyGDx5JvTr pic.twitter.com/qiWOfxnXKT
— Sky News (@SkyNews) July 20, 2018
Познат како „Човекот од дупката“, тој последниве 26 години одбиваше контакт со други луѓе и живееше во целосна изолација во Танару, длабоко во бразилска Амазонија. Прекарот го добил поради неговата навика да прави длабоки дупки за да се скрие, но и да лови животни.
Се претпоставува дека остатокот од неговото племе можеби бил убиен во поголем број судири со сточари и дрвосечачи во 1980-тите и 90-тите, врз основа на сличниот случај со друго изолирано племе во истата област.
Истражувачите овој маж првпат го виделе во 1996 година и оттогаш го набљудуваа.