ВИДЕО | Партизан ја победи Звезда во „вечното дерби“ и се врати на врвот на табелата
Во српскиот фудбал денес се играше „вечното дерби“ помеѓу Партизан и Црвена Звезда кое на крајот заврши со победа на црно-белите од 2:1.
Имаше Црвена Звезда повеќе прилики за гол од домаќините, посебоно во второто полувреме, но изостана реализацијата, па затоа беа казнети.
Резултатот беше отворен на пет минути пред крајот на првиот дел кога Натчо од пенал ја затресе мрежата. Црвена Звезда во вториот дел тргна офанзивно, почна да создава повеќе прилики, но Партизан зголеми на 2:0.
Стрелец на голот во 66. минута беше Салдања. Пет минути подоцна Нидаје намали на 2:1. До крајот на дербито уште еднаш се тресеше мрежата на Партизан, меѓутоа тој гол беше поништен поради офсајд.
На табелата по овој натпревар Партизан е лидер со 47 бода, Црвена Звезда остана на 46 и падна на втората позиција.