Клое Филдс и нејзиното момче Кристијан Зелада преживеале откако нивниот автомобил излетал од автопатот во Калифорнија и паднал преку карпа во кањон длабок 90 метри.

Двојката се возела во близина на нивниот дом во Глендејл во вторникот, кога Зелада застанал да пушти друг автомобил да го помине. За неколку секунди, тој изгубил контрола над нивниот автомобил и се лизнал од карпата покрај автопатот Анџелес Форест.

„Се што можевме да видиме е дрвја, нечистотија и чад. Удиравме во дрвја. Потоа почувствувавме тркалање и бевме наопаку“, изјави Филдс за магазинот Пипл.

Нивниот автомобил слетал на покривот откако паднал на речиси 90 метри во Кањонот Манки. За среќа, тие поминале само со гребнатинки.

„Мојата прва мисла беше каде е мојот мобилен телефон“, рече Филдс.

Токму нејзиниот мобилен телефон користел нова технологија за автоматско откривање на судири и испраќање СОС повик преку сателит до центарот за итни повици на Епл, кој брзо ги известил службениците за несреќата и нејзината локација. Во рок од 30 минути, претставниците на округот Лос Анџелес успеале да ги спасат Филдс и Зелада.

Хеликоптер на Канцеларијата за специјално спроведување бил искористен за да стигне до местото на несреќата длабоко во кањонот. Додека хеликоптерот лебдел над нивните глави, тимот ги спуштил медицинските лица и ја повлекол двојката на безбедно користејќи јаже. Властите на социјалните мрежи објавија видео од драматичното спасување.

Deputies, Fire Notified of Vehicle Over the Side Via iPhone Emergency Satellite Service

This afternoon at approximately 1:55 PM, @CVLASD received a call from the Apple emergency satellite service. The informant and another victim had been involved in a single vehicle accident pic.twitter.com/tFWGMU5h3V

— Montrose Search & Rescue Team (Ca.) (@MontroseSAR) December 14, 2022

„Во исто време хипервентилирав и плачев. Ми рекоа: „Добро си, жив си, добро си“. Не можам да верувам дека ова се случи“, рече Зелада.

Парот со хеликоптер бил префрлен во болницата Хантингтон во Пасадена, каде лекарите им укажале на мали гребаници.

Се чувствував како да сум на тежок тренинг“, заклучи Зелада.