Тимот на Арсенал успеа да слави во уште едно дерби од Премиер лигата денес победен беше Челси со 0:1 и така повторно се врати на лидерската позиција во англиското првенство.

Дербито во Лондон не ги оправда очекувањата, двете екипи играа поповлечено и презервирано, немаше многу прилики. Поседот на топката беше на страната на Арсенал. Најголемата шанса за отварање на резултатот во првото полувреме ја имаше Габриел Жесус, меѓутоа неговиот удар заврши во надворешниот дел од мрежата.

На полувремето мрежите мируваа, брзо по почетокот на второто полувреме се израдуваа навивачите на Арсенал. Сака изведе одличен корнер, а топката помина покрај неколку фудбалери за да стигне до Жесус кој ја смести во мрежата. Челси се обидуваше да стигне до изедначување, но „сините“ изгледаа безидејно во нападот и скоро и да не создадоа ниту една посериозна прилика.

Арсенал со овој триумф се враќа на врвот на табелата и во наредното коло ќе игра против Вулверхемптон.