ВИДЕО: Отстранети и искинати српски знамиња поставени на ридот над косовското село Грабовац
Маж од албанска националност, кој симна и искина две српски знамињa над селото Грабовац, Косово и упатуваше пцости кон Србија и Србите, е приведен од страна на полицијата, а потоа пуштен на слобода, објавија косовските медиуми на српски јазик.
Од косовската полиција додаваат дека при претресот на неговата куќа не било пронајдено оружје.
„К.П. по наредба на обвинителството е пуштен на слобода, додека случајот се истражува“, соопшти косовската полиција.
Уште од петокот на ридот над селото Грабовац наизменично се поставуваат српското и албанското знаме.
Во објавеното видео, може да се види како човек од албанска националност, кој се претставува дека е од селото Бољетин, ги кине знамињата, пцуе, а поставувањето на овие знамиња го нарекува како провокација на Србите.