ВИДЕО: Некој „нов“ Јувентус, шокантен старт на Лацио во Серија А
Фудбалерите на Јувентус го совладаа вечерва Удинезе со 0:3 во натпреварот од првото коло во италијанската Серија А. Поведе Јувентус со голот на Федерико Киеза во втората минута, по асистенцијата на српскиот репрезентативец Душан Влаховиќ.
На 2:0 зголеми Влаховиќ со гол од пенал во 20 минута. Конечниот резултат го постави Адриен Рабио со гол во третата минута од судиското надополнување.
Во следното коло Јувентус ја пречекува Болоња, додека Удинезе ќе гостува кај Салернитана која ремизираше против Рома (2:2).
Лече приреди изненадување откако го победи Лацио со 2:1. Римските „небесно-сини“ имаа позитива по голот на Чиро Имобиле во 26 минута.
Понтус Алмквист во 85 и Федерико Ди Франческо во 87 минута му донесоа пресврт и триумф на домашниот тим. Во следното коло Лече ја пречекува Фиорентина, додека Лацио пред своите навивачи ќе се сретне против Џенова.