ВИДЕО | Надал го потврди враќањето: Не заслужив да ја завршам кариерата на прес-конференција
Шпанскиот тенисер, Рафаел Надал го потврди своето враќање на терените, а прв предизвик ќе му биде турнирот во Бризбејн кој ќе биде како подготовка за Австралија Опен.
Надал се враќа на терените по долга пауза, а последниот натпревар го одигра во јануари кога се повреди на минатогодишното издание на турнирот во грен-слемот во Австралија.
„Мислам дека не заслужив да завршам вака. Работев напорно во текот на мојата кариера, па крајот не сакам да ми биде на прес-конференција. Сакам да ја завршам кариерата на вистински начин. По една година отсуство мислам дека е вистински момент да се вратам. Се чувствувам подготвен да се вратам во Бризбејн во првата недела од сезоната“, порача Надал во објавената видео-порака на социјалните мрежи.
🎧👀💪🏻😉 pic.twitter.com/iH7NvsQGMT
— Rafa Nadal (@RafaelNadal) December 1, 2023