ВИДЕО | Над сто илјади луѓе во Минхен се собраа на протест против расизмот и антисемитизмот
До 100.000 луѓе учествуваа на демонстрациите во Минхен против расизмот и антисемитизмот што се одржаа синоќа, јави ДПА.
Податоците доаѓаат од полицијата во градот, додека организаторите на демонстрациите, кои се одржаа под наслов: „Море од светлина за демократија“, соопштија дека на нив учествувале до 300.000 луѓе.
Во текот на викендот во Германија беа организирани демонстрации против крајнодесничарскиот екстремизам.
In Munich, Germany, 100,000 rallied against the far-right on Sunday according to police as the nationwide protests agains the AfD continue.
— Michael Knigge (@kniggem) February 12, 2024
Бранот протести во земјата, кој започна во јануари, беше предизвикан од информациите дека на состанокот во Потсдам на екстремно десничарските активисти и политичари од „Алтернатива за Германија“, на кој присуствуваа и претставници на централно-десничарските демохристијани, се зборувало за протерување странци од Германија, меѓу кои и имигранти со германски пасоши и баратели на азил. Средбата се одржа во ноември минатата година.