Денеска во 32 коло од најсилното унгарско првенство МТК триумфираше на гостувањето кај Ференцварош со 0:3.

Македонскиот репрезентативец Бојан Миовски кој настапи од 58 минута придонесе со гол и асистенција во важните бодови за опстанок.

Најпрвин во 84 минута стрелаше за 0:2, а во самиот финиш од средбата (90+3`) асистираше до Футач (втор погодок) за поставување на конечниот епилог.

За Миовски ова беше осми гол во 30 настап сезонава за МТК во тамошното првенство. За гостите настапи и вториот наш репрезентативец Стефан Спировски од 71 минута.

За МТК остануваат шансите да остане во елитата на Унгарија, во последното коло МТК на домашен терен ќе го пречека Дебрецен, а Хонвед гостува кај Пушкаш Академи.

МТК е на претпоследната 11 позиција со 33 бодови, место кое води во понизок ранг, а Хонвед е засега сигурен во безбедната зона на 10 место со 35 бодови.

Голот на Миовски на 02:42 мин. од видео записот –

Асистенцијата на Миовски на 03:45 мин. од видео записот –