ВИДЕО | Мечка барајќи храна влегла во автомобил во Колорадо, уништувајќи го целото возило
Колорадо Паркс енд Вајлдлајф (КПВ) организацијата која управува со 42 паркови во државата, објави видео на кое еден од своите полицајци ослободува мечка која била заглавена во возило назад во дивината. Граѓаните биле предупредени да ги заклучат своите автомобили.
На снимката се слуша како полицаецот вели: „Мечко излегувај!“. Полицаецот продолжува да снима дури и откако мечката го напуштила возилото. Камерата ја покажува големата штета што мечката ја нанела во внатрешноста на автомобилот. Мечката ги искинала седиштата и изела се што нашла, оставајќи ѓубре насекаде, пишува Си-Би-Ес.
🐻🍫 Bear shreds car interior looking for peanuts and chocolate. Watch 👉
Read more: https://t.co/RiuX9nd1h6 pic.twitter.com/Jg1CaQ7vY9
— Sky News (@SkyNews) November 22, 2023
КПВ објави дека ова е она што мечките можат да му го направат на автомобилот кога се гладни и кога ќе помирисаат храна оставена во возилото. Инаку, минатиот месец беше објавено дека голема црна мечка нападнала чувар во одморалиште во Аспен.
Политиката на КПВ е дека ако мечка постапува агресивно кон човечко суштество, таа мора да биде еутаназирана откако ќе се најде. Тие потсетуваат дека црните мечки се љубопитни, интелигентни и многу снаодливи. Ќе ги истражуваат сите можни извори на храна, особено ако се гладни.