Се дознаа првите патници во четвртфиналето на фудбалската Лига Европа, Манчестер јунајтед по вторпат излезе како победник во двомечот со Бетис.

Откако на првиот меч славеа со 4:1, овојпат „црвените ѓаволи“ во Шпанија беа подобри со 0:1, а стрелец на единствениот погодок беше Рашфорд во 56 минута.

Јувентус не дозволи никакво изненадувањето на гостувањето кај Фрајбург, „Старата дама“ уште еднаш дојде до победа овојпат со 0:2. Првите 90 минути во Торино му припаднаа на италијанскиот гигант со 1:0.

Од 44 минута Германците останаа без еден играч на теренот поради вториот жолт картон на Гулде кој играше со рака во казнетиот простор, а предност од 1:0 од белата точка донесе Влаховиќ (45`). Конечниот епилог го постави Киеза во судиското надополнување (90+5`).

Фенербахче не успеа да ја анулира негативата (0:2) од првиот натпревар против Севиља. Шпанците одат во следната фаза, а Турците славеа само 1:0 со голот на Валенсија од пенал во 41 минута.

Се очекуваше уште еден неизвесен меч меѓу Феенорд и Шахтјор Доњецк откако по првите 90 минути резултатот беше 1:1 во Варшава, Полска.

Но, Холанѓаните на својот стадион во Ротердам се надминаа себеси и го декласираа украинскиот претставник со 7:1. За Феенорд по двапати во листата на стрелците се запишаа Кокџу и Идриси, а по еднаш Хименез, Џаханбахш и Данило. На спротивната страна единствениот гол за Шахтјор беше дело на Келси.