Вечерва во Лигата на шампионите се играа нови два натпревари од осминафиналето, а во нив изненадување приреди Лацио кој беше подобар од Баерн Минхен со 1:0, додека ПСЖ ја оправда фавортската улога на домашен терен со Реал Сосиедад.

Лацио во Рим славеше мининално со 1:0, а одлучувачкиот гол на натпреварот го постигна Чиро Имобиле од пенал на 20-тина минути пред крајот на натпреварот.

Само две минути пред голот на Лацио во 67-та минута Упамекано заработи директен црвен картон.

ПСЖ од друга страна немаше поголеми проблеми со шпанскиот Реал Сосиедад. И на овој дуел во првото полувреме не видовме погодоци, двата гола гигантот од Париз ги постигна во вториот дел.

Килијан Мбапе го отвори резултатот во 58-та минута, додека Баркола во 71. ги постави конечните 2:0.