ВИДЕО | Лондон осветлен со 30.000 светилки по повод Рамазан
Лондонскиот Вест Енд за прв пат ќе биде осветлен со 30.000 светилки по повод светиот исламски месец Рамазан. Улицата Ковентри, која го поврзува плоштадот Лестер со Пикадили, е осветлена со знак „Среќен Рамазан“. Светлата ги вклучи градоначалникот на Лондон, Садик Кан, кој е еден од 1,3 милиони муслимани во Лондон кои го слават Рамазан, пишува „Би-Би-Си“.
Ајшеа Десаи, која била инспирирана од нејзината наклонетост кон божиќните светилки, е одговорна за украсувањето на градот.
„Само имав амбиција да го направам Лондон како за божиќните празници. Се сетив дека отидов да ги видам божиќните светла со сестра ми кога растев и имав можност да живеам на Блискиот Исток и сакав да ја донесам таа радост и магија во Лондон“, објасни Десаи.
Lights and decorations have been set up around Picadilly Circus in London, United Kingdom for the first time, to celebrate the arrival of Ramaḍān pic.twitter.com/K1B0MaPez8
— • (@Alhamdhulillaah) March 18, 2023
„Изгледа неверојатно, презаситена сум од реакцијата. Ова е толку важен месец за муслиманите. Сакав да ја подигнам и таа свест за нашите соседи да знаат дека ова е навистина важен месец за нас, тоа е мојот омилен месец во годината и јас сум само благодарна што денес сум овде“, додаде таа.
Отворен ифтар, вечерната трпеза што го означува прекинот на постот, ќе се одржи во музејот Викторија и Алберт во Јужен Кенсингтон, кој подигна импровизирана џамија и подготви рамазански павилјон за муслиманите и немуслиманите.