Капитенот и еден од најголемите играчи во историјата на клубот, Икер Мунаин денеска соопшти дека заминува од Атлетик Билбао на крајот од сезоната.

Мунаин во клубот од Баскија помина цели 19 години, почнувајќи од најмладите категории, па се до сениорскиот тим.

Клубот каде што ја помина својата цела досегашна кариера, Мунаун ќе го напушти на 31 година како слободен играч со истекот на договорот. Мунаин веројатно смета дека во сезоната во која го освои првиот трофеј (Купот на кралот) е најдобар момент да се збогува.

Дресот на Атлетик Билбао досега го носеше на 557 натпревари во сите натпреварувања со што е на второто место на вечната листа по бројот на настапи, а во листата на стрелци се запиша 75 пати.

❤ “Has sido lo mejor de mi vida,

pero ahora, mi amor,

ha llegado el momento de separarnos”

© El capitán comunica su adiós tras 15 temporadas en el primer equipo.#AthleticClub 🦁 pic.twitter.com/YwiV6kP4S3

— Athletic Club (@AthleticClub) April 24, 2024