Уште еден српски државјанин (48) е уапсен во акција на шпанската полиција во вила во Ваљас која ја користел за одгледување марихуана. Истрагата, според шпанските власти почнала кон крајот на јуни кога полицијата добила дојава дека внатре во вилата се наоѓа плантажа со марихуана.

– Полицијата со оперативна работа утврди дека станува збор за вила која е целосно изолирана од останатите куќи, а во која делувало како никој да не живее, ниту се забележани било какви активности. Интересно е што таквата, навидум напуштена куќа ја чуваат два ротвајлери. Кога полицајците добија судски налог за претрес и одлучија да влезат во куќата, биле нападнати од кучињата па морала да реагира и службата за заштита на животни“, соопштија локалните медиуми.

Во вилата се пронајдени 1.050 стебла марихуана во различни фази од раст, како и соба за сушење на билките во кои се наоѓале 355 грама пупки од канабис, додека во подрумот се наоѓала поголема плантажа со 1.150 стебла кои биле во оптимална состојба за берба.

Србинот кој е осомничен за тешко дело против безбедноста на јавното здравје и кражба на струја се наоѓа во притвор.

Македонска актерка вмешана во шверц со кокаин, ОЈО бара притвор