ВИДЕО | Кинеска вселенска компанија успешно тестираше ракета за повеќекратна употреба
Кинеска приватна вселенска компанија успешно тестирала ракета за повеќекратна употреба во пустината Гоби, пишува ДПА.
Според АјСпејс, компанија со седиште во Пекинг, Хипербола-2Y тргна во четвртокот од центарот за лансирање на сателити Жиукван во пустината Гоби во северна Кина. Ракетата достигна висина од 178 метри за време на тестирањето, објави вселенската компанија.
По околу една минута лет, контролирано слетала, како што е прикажано на видеото кое го објави АјСпејс. Тестот означи „голем напредок“ за кинеската комерцијална вселенска индустрија, соопшти АјСпејс.
China's iSpace launched and successfully landed its Hyperbola-2Y single-stage hopper at the Jiuquan Satellite Launch Center on Thursday, marking a breakthrough for the country's reusable #spacecraft technology. pic.twitter.com/FwlgG2LNaZ
— China Science (@ChinaScience) November 2, 2023
Компанијата има за цел да развие системи за повеќекратна употреба слични на американската вселенска компанија СпејсИкс за значително да ги намали трошоците за транспорт на сателити во вселената.
Во 2019 година, АјСпејс стана првата приватна кинеска вселенска компанија која успешно лансираше конвенционална ракета-носач во орбитата.
Во Кина има десетици приватни вселенски компании. Сепак, државната вселенска програма главно не вклучува приватни компании, а е контролирана од војската.
Кина спроведува амбициозна вселенска програма во обид да ги достигне САД и Русија. Само 20 години откако Кина стана третата земја што испрати свои астронаути во вселената, Пекинг сега управува со модерна, целосно функционална вселенска станица и ги истражува Месечината и Марс.