ВИДЕО | Јутубер од Белгија уапсен откако фрлил измет врз луѓе во воз
Јутјубер од Белгија е уапсен бидејќи фрлал измет врз патници во воз, пишува Инди100. Неговата грозоморна шега не завршила добро откако бил уапсен затоа што фрлал кофа со „разни материи“ кон патниците во возот.
Јутјуберот по име ЈаНајк бил уапсен од белгиската полиција затоа што фрлал кофи со „разни супстанци“, во кои имало „боја, измет и храна“, кон патниците на метрото што патувале во Брисел.
На друго видео се гледа како влегува во воз со кофа и го превртува врз случаен странец пред да побегне. Подоцна бил уапсен под обвинение за напад и тешки телесни повреди на патници, како и за оштетување на имотот на превозникот.
Во соопштението за медиумите, портпаролот на обвинителството рече дека јутјуберот признал дека е одговорен за инцидентот. „Снимките од тие настани се објавени на социјалните мрежи со цел да се добијат што повеќе лајкови“, соопштуваат оттаму.