Пејачката Јелена Томашевиќ и актерот Иван Босиљчиќ важат за едни од најскладните брачни двојки во јавниот живот во регионот. Многу медиуми пишуваа за нивната љубовна приказна, за раскинувањето поради притисокот од медиумите и за моментот кога сфатиле дека се идеални еден за друг и решиле да стапат во брак.

Јелена ќе биде гостинка во новата „Еден на Еден“ кај Жаре, в недела од 18.30 на ТВ „Канал 5“ и таму раскажува една интересна приказна поврзана со Иван и со нејзините баби.

– Го однесов Иван во Крагуевац да се запознае со моите баби. Едната баба, Босилка уште од старт ми кажа: „Добар ти е дечково, ама не му чини работата, се бакнува со многу жени“, раскажа Јелена за времето кога актерот Босиљчиќ снимаше љубовни теленовели.

– И се сретнаа моите две баби, баба Ружа и баба Боса на кафе и Ружа ја прашува Боса: „Сваќе, како ти се допаѓа дечкото на Јелена?“ „Добар е, од добра фамилија, со добри манири, но не му чини работата. Се бакнува со многу жени, и јас го држам далечинското во рака за да сменам програма“, раскажа Јелена.

Погледнете го видеото кое подобро ќе ви раскаже што ќе гледаме в недела на Канал 5:

(Комерцијален текст)