Од Израелското министерство за одбрана велат дека Хамас го контролира секое поле во Газа.

Кога ќе слушнете дека луѓето во Газа немаат гориво, тоа е затоа што Хамас го зел сето тоа, и секое министерство во Газа во реалност е Хамас, велат од ИДФ.

When you hear that people in Gaza don't have fuel, it's because Hamas took all of it. pic.twitter.com/i2MOjesZxw

— Israel Defense Forces (@IDF) October 29, 2023

САД веруваат дека Израел треба да направи се што може за да направи разлика меѓу палестинските цивили и милитантите на Хамас во неговата воена операција во Газа, изјави денеска советникот за национална безбедност на Белата куќа, Џејк Саливан.

Во интервју за Си-Ен-Ен, Саливан го повика и израелскиот премиер Бенјамин Нетанјаху „да го спречи насилството од страна на екстремистичките еврејски доселеници врз невините луѓе на Западниот Брег“.

Соочен со зголемениот бес поради израелското бомбардирање на Газа по смртоносните напади на милитантите на Хамас во Израел на 7 октомври, Саливан рече „ние не се залагаме за убивање на невини луѓе, без разлика дали се Палестинци, Израелци или други“.