Пејачката Дуа Липа неодамна настапи во Лос Анџелес, каде камерите забележаа инцидент што се случил кога ѕвездата се приближила до публиката. Дуа сакала да ги поздрави своите обожаватели, па се фотографирала со некои од нив.

Сепак, посебниот момент со обожавателите беше прекинат од маж кој ја допре несоодветно. Мажот беше во првиот ред кога пејачката му се приближи и го прегрна. Прво ја стави раката на нејзиниот грб, а потоа ја помести пониско, кон нејзиниот задник.

this makes me feel sick to my stomach… dua tryna be closer to fans and people taking it to weird levels… i hate people pic.twitter.com/2OQdaSvyR7

— sam 🌊 (@tkowdeluxe) October 5, 2025

Обезбедувањето кое беше до Дуа веднаш му ја тргна раката од пејачката.

Видеото од моментот стана вирално на социјалните мрежи, а многумина го осудија однесувањето на човекот. „Ова буквално ми го превртува стомакот… Дуа само се обидува да им се приближи на своите обожаватели, а некои луѓе го сфаќаат тоа на најлош можен начин. Ги мразам таквите луѓе“, напиша девојката која прва го објави видеото на Икс.

„Ги мразам овие чудаци“, „Каков одвратен човек“, „Познатите личности не можат физички да им се приближат на фановите без ризик од физичко или сексуално вознемирување. Ова е навистина вознемирувачко“, „Ова е страшно и непочитувачко“, беа некои од коментарите. Други ја пофалија реакцијата на нејзиното обезбедување.

Пејачката моментално е на светската турнеја „Radical Optimism Tour“. Ја започна во ноември 2024 година во Сингапур, а својот последен концерт ќе го одржи во декември оваа година.