ВИДЕО I Насилни протести во Бристол: Шестмина полицајци повредени
Полицијата и демонстрантите се судрија за време на протестите против новиот Закон за полицијата, за кој се расправа во британскиот Парламент.
Илјадници демонстранти излегоа на улиците за да изразат незадоволство од предложениот предлог-закон, кршејќи ја забраната за масовни собири. Предлог-законот предизвика критики од активистите кои го осудија зголемувањето на полициските овластувања и нападот врз граѓанските права.
Полицијата наведува дека протестите почнале мирно, но дек аподоцна помала група од собраните предизвикале насилства, пренесе Ројтерс.
Civil unrest in central Bristol pic.twitter.com/H19nhjGp8c
— Best of Bristol (@BristolBestof) March 21, 2021
Најмалку шест полицајци беа повредени за време на масовните улични протести во британскиот град Бристол, објави Би-Би-Си.
Повредените полицајци се пренесени во болница, од кои едниот е до скршеница на раката, а другиот има скршени ребра.
Bristol.
How it started ? How it’s going ? pic.twitter.com/UNwEu5NZuF— Save Our Statues – Robert Poll (@_SaveOurStatues) March 22, 2021
На снимки објавени на социјалните мрежи се гледа како демонстрантите тресат полициско комбе пред протестот да стане насилен. Полицијата со палки се обидува да ги растера демонстрантите пред централната полициска станица во Бристол.
Потоа полицајци на коњи влегуваат во група демонстранти, но набрзо се повлекуваат откако врз нив се фрлени молотови коктели.
Innocent peoples cars damaged, by the nasty thugs in Bristol this evening.
Bang out of order. This was not a protest. This was a riot. pic.twitter.com/MdduYNahWn
— Frankie O’Brien (@francisobrienUK) March 21, 2021
Демонстрантите успеаја да ја потиснат полицијата, запалија комбе пред полициската станица и ја уништија зградата, додека полицајците кои биле внатре, гледаа низ прозор.
Предложениот Предлог-закон за полиција, криминал, казнување и судови предизвика критики од активистите кои го осудија зголемувањето на полициските овластувања и нападите врз граѓанските права.
Новите законски решенија ќе и овозможат на полицијата, меѓу другото, да го одредува времето на почетокот и крајот на сите идни демонстрации.