Нoви судири избија доцна синоќа во неколку холандски градови во знак на протести против построгите владини мерки за спречување на ширењето на коронавирусот. Петмина полицајци се повредени, а седум лица се уапсени,  пренесува Вашингтон Пост.

Полицијата употребила водени топови

Судири меѓу интервентната полиција и демонстрантите избија во Хаг, каде полицијата употреби водени топови за да ја растера толпата.

Помали судири имало во градот Урку и во градовите во провинцијата Лимбург, каде гневните навивачи прекинаа два фудбалски натпревари кои се одиграа без публика поради ковид протоколите.

ФОТО+ВИДЕО | Седуммина повредени во Ротердам откако полицијата пукала при немири поради ограничувања за коронавирус

Помалку насилство од претходната ноќ

Насилството, сепак, беше значително помало од претходната вечер кога, во „оргија на насилство“, како што ја нарече градоначалникот на Ротердам, три лица беа ранети од огнено оружје, а 51 лице беа уапсени.

Холандија минатата недела стана првата западноевропска земја што воведе делумно „заклучување“ оваа есен поради зголемување на заразените со коронавирус.

Мерките ќе важат најмалку три недели, а се планираат и нови, како ограничување на влезот на невакцинирани лица на некои локации.

Откажан протестот во Амстердам по насилствата во Ротердам