Голем пожар избувна во индиската фабрика на Институтот за серум (СИИ), кој е најголем производител на вакцини во светот, но пожарот нема да влијае на производството на вакцини за коронавирусот, пренесуваат индиските медиуми.

СИИ произведува вакцина направена од Универзитетот Оксфорд и „АстраЗенека” за индискиот пазар и некои други земји, а компанијата исто така се подготвува да направи вакцина развиена од американската компанија „Новавакс”.

#WATCH Maharashtra: 10 fire tenders present at Serum Institute of India in Pune, where a fire broke out at Terminal 1 gate. More details awaited. https://t.co/wria89t22t pic.twitter.com/u960KTR7JS

— ANI (@ANI) January 21, 2021

На видео снимките се гледа како од зградата се издига густ црн чад.

“Имаше четири лица внатре во зградата. Досега спасивме три, иако чадот ја отежнува работата за ставање под контрола на пожарот”, рече пожарникар.

Пожарникарите прават големи напори во гаснењето на пожарот. Неколку противпожарни возила се на самото место.

“Ние се обидуваме да спасиме едно или две лица, тоа е нашиот единствен приоритет сега. Ние ќе ја процениме ситуацијата подоцна за штетата по сите други точки”, изјави извршниот директор на серумот Адар Понавала за НДТВ.

Институтот за серум во Индија  е распространет на 100 хектари во Пуна.

Манџари, комплексот каде избувна пожарот, е на неколку минути возење од објектот во кој се произведуваат вакцините Ковид, велат изворите. Се верува дека е дел од Специјална економска зона (СЕЗ).