ВИДЕО+ФОТО I Приведени 33 лица во акцијата на полицијата за празнење на солунскиот Универзитет што беше под опсада
Во акција на повеќе сектори на грчката полиција, рано утрово беше испразнет Ректоратот на Универзитетот „Аристотел” во Солун што беше под опсада и беа приведени 33 лица, јави дописничката на МИА од Атина.
Грчката новинска агенција АНА-МПА пишува дека според полицијата, лицата кои го држеле Ректоратот под опсада имале пано што покажува дека опсадата била поврзана со Димитрис Куфодинас, осудениот затвореник што штрајкува со глад и еден од лидерите на терористичката организација „17 ноември” .
Паралелно, објавија видео и фотографии од акцијата.
Од грчката полиција соопштуваат дека од приведените лица еден е кипарски државјанин, 19 рекле дека се студенти на солунскиот универзитет, а останатите 14 не се поврзани со конкретниот универзитет.