Кошаркарите на Филаделфија продолжија со одличните игри оваа сезона во НБА лигата, доцна синоќа овојпат со 119:111 славеа против Сакраменто.

На тој начин е прекината низата од четири победи на Кингси иако можеа и овој меч на крајот да го добијат во своја корист.

Пресудна беше последната четвртина во која Сиксерси доминираа со 32:20 и така дојдоа до новата победа предводени од Џоел Ембид кој забележа 25 поени и 17 скока.

На спротивната страна Ди`Арон Фокс беше прв стрелец со 34 поени и запиша 10 асистенции.

Составот на Риверс моментно е на првата позиција во Источната конференција со учинок 18-7.

НБА, резултати:

Детроит – Бруклин 122:111

Мајами – Њујорк 98:96

Њу Орлеанс – Хјустон 130:101

Сан Антонио – Голден Стејт 91:114

Портланд – Орландо 106:97

Сакраменто – Филаделфија 111:119

Јута – Бостон 122:108