Баер Леверкузен предводен од Шпанецот Чаби Алонсо продолжува да игра одлично и вечерва го совладаа Бохум со убедливи 4:0. Оваа убедлива победа за Леверкузен значи и дека „фармацевтите“ 2024 година ќе ја дочекаат како лидери на табелата.

Леверкузен игра фантастичен, а перфектни беа и вечерва. Свое шоу имаше Патрик Шик кој постигна хет-трик уште во првото полувреме. Бонифаче во второто полувреме ги постави конечните 4:0.

Зад Леверкузен на табелата е Баерн Минхен кој славеше со 2:1 против Волфсбург. Одличен натпревар одигра Томас Милер кој двапати асистираше, а погодуваа Мусиала и Хари Кејн. Арнолд го постигна единствениот гол за Волфсбург.

Во Бундеслигата сега следи зимска пауза и натпреварите продолжуваат кон средината на јануари.

Во останатите натпревари кои се играа вечерва Штутгарт го победи Аугусбург со 3:0, Хајденхајм со 3:2 беше подобар од Фрајбург, додека Франкфурт со 2:1 ја совлада Борусија Менхенгладбах.

Унион Берлин во терминот порано денеска славеше против Келн со 2:0.