Репрезентативецот на Македонија, Валон Етеми продолжи каде што застана пред паузата поради земјотресот кој го погоди југоисточниот дел на Турција. Денес Етеми постигна нов гол кој беше негов десетти сезонава. Етеми беше еден од стрелците во победата на Истанбулспор од 3:0 против Сивас.

Етеми во листата на стрелци се запиша по само седум минути игра и тоа од пенал кој претходно сам го изнуди. Посебно ефикасен Етеми е во новата 2023 година во која постигна половина од головите.

Ефикасната форма на Етеми секако е добра вест пред почетокот на квалификациите за Европското првенство 2024 година. Покрај Етеми, селекторот Милевски ги има расположените Бојан Миовски, Доријан Бабунски, Александар Трајковски, Стефан Ристовски, Елиф Елмас…

Македонија во првиот циклус игра против Малта на 23-ти март.

Ethemi penaltıyı gole dönüştürüyor

Sivas=0
İstanbulspor=2 pic.twitter.com/Dfv5boMdGQ

— superlighaberss (@superlighabers0) March 13, 2023