Последната церемонија на доделувањето на престижните Оскари остана запаметена, за жал, не по филмовите и маестралните улоги, туку по инцидентот што се случи кога Вил Смит му удри шлаканица на Крис Рок поради шегата на сметка на неговата сопруга Џејда Пинкет Смит.

По инцидентот Смит паузираше со снимањето на филмови, а притоа ја извести јавноста дека веќе не е член на Академија за филмски уметности и науки. По една година од немилиот настан американскиот актер објави видео на Инстаграм во кое заедно со својот колега Мартин Лоренс го најавуваат снимањето на четвртиот дел од култната комедија „Bad Boys“.

 

View this post on Instagram

 

A post shared by Will Smith (@willsmith)

Новиот филм требаше да почне да се снима, но сѐ беше одложено поради инцидентот на минатогодишното доделување на Оскарите.

Сепак, работите засега се смириле и наводите на Смит ги потврди и Sony Pictures, од каде што објавија дека новото продолжение е во претпродукција. Смит и Лоренс на снимката се договориле новото продолжение да се вика „Bad Boys: For Life“, но брзо сфатиле дека тоа е името на третото продолжение, па рекле наместо зборот „за“ да се напише бројот четири во насловот.

Ова ќе биде втор голем филм на Смит по инцидентот на Оскарите и неговата забрана од Оскарите во следните десет години. Во меѓувреме ја снимал историската драма Еманципација, во која глуми афроамерикански роб во бегство.

ВИДЕО | Еди Марфи се пошегува: За да бидете успешни, не го спомнувајте името на сопругата на Вил Смит

Вил Смит објави смешно видео: Јас кога се обидувам да се вратам на социјалните мрежи по Оскарите

Вил Смит мета на критики поради видеото во кое му се извинува на Крис Рок: Си го промовира брендот?

Вил Смит: Гледав како ми исчезнуваат парите, куќата, кариерата…