Друштвото на ликовни уметници на Македонија одбележува 75 години од формирањето со изложба во Чифте амам и Мала станица, објекти на Национална галерија на Република Северна Македонија. Се работи на за 292 дела на исто толку автори.

„Нашата идеја беше конечно да се собереме по долги години, да се видиме сите заедно од основоположниците до најмладата генерација, мора да се каже дека беше потребен голем труд да се организира овој за нас значаен јубилеј. Во текот на овие 75 години имаше многу историски промени, кои донесоа промени и во културата и всушност историските, стилските и уметничките промени можат да се видат и сега на изложбата. Бројката од 292 автори излезе случајно: пролетта организиравме јавен повик до нашите членови, се пријавија околу 132 автори, но со оглед дека многумина недостасуваа, во соработка со Маја Чанкуловска и директорката на Националната галерија, Дита Старова, дојдовме до решение да го користиме депото на оваа институција кое е многу богато и оттаму да извадиме уметници кои навистина недостасуваа. На изложбите се застапени делата на основоположниците Никола Мартиноски, Лазар Личеноски, Борко Лазевски, Димче Коцо, Нико Този, оние што ја оствариле идејата да го здружат еснафот во 1946 година. Од ДЛУМ потекна и идејата за Средното уметичко училиште и подоцна за формирање на Националната галерија. Тука се и делата на првите професори на Факултетот за ликовна уметност, Петар Хаџи Бошков, Драгутин Аврамовски Гуте па се’ до младата генерација која дорва доаѓа и е нова енергија и во Друштвото, но и на македонската современа ликовна сцена“, вели за Утрински брифинг Дијана Томиќ Радевска, претседателка на Уметничкиот совет на ДЛУМ.

Таа нагласи дека пред ова еснафско здружение стојат многу предизвици во насока на подобрување на статусот на ликовните уметници, како што е прашањето на хонорар за уметничката работа што се’ уште не е предвидено во голем дел конкурси, како исостојбата на слободните уметници кои сами треба да си обезбедат плата.

Проследете го целиот разговор во видеото