Денеска во 16 коло од англиската фудбалска Премиер лига составот на Манчестер сити потешко од очекувањата дома со 1:0 триумфираше над Вулверхемптон.

Доста тензично беше и на двете страни со голем број на жолти картони, а пред крајот на првото полувреме гостите останаа без еден играч поради двата жолти картони на Хименез.

Клучниот момент се случи во 66 минута кога беше досуден пенал за „граѓаните“, крајно контроверзен и сомнителен.

Гостите не можеа да поверуваат на судиската одлука да се покаже на белата точка, а после консултацијата на ВАР собата, и дефинитивно се шутираше пенал.

Penalty Man City vs Wolves pic.twitter.com/LpJ8qANlmh

— João Umbelino (@j_umbelino) December 11, 2021

А истиот успешно го реализираше Стерлинг за продолжување на победничката серија на Сити и моментно прво место со 38 бодови, четири повеќе од второпласираниот Ливерпул кој има меч помалку.

Вулверхемптон веќе четири мечеви не знае за триумф, односно се наоѓа на осмото место со 21 бод.