Новиот концепт во образованието, со кој предметот Историја и други предмети ќе се интергират во еден предмет,  крена огромна бука на социјалните мрежи. За оваа тема на новинарско прашање даде одговори министерката за образование и наука, Мила Царовска.

Таа рече дека исто така и предметот Биологија и Хемија се интегрираат во друг предмет во исто време кога се отворени прашањата со нашиот сосед Бугарија, па запраша дали тоа прави некаква разлика.

-Зборуваме за интергација на природни и општестевни науки што се случува секаде во светот во развиените змеји, кои постигнуваат огромни резултати кај своите ученици. Нашата идеја е да создадеме младина, иднина, граѓани кои ќе ја движат оваа држава кон економски и социјален равој- рече Царовска.

Промените кои ги правиме, рече Царовска, се добро осмислени врз основа на анализи и методологии коишто даваат каде се критичните точки.

-Нашите деца учат многу предмети, но само фактографски, без да поврзуваат- рече Царовска.  

-Ова не е прв пат да се случува во светот, ниту последен. Сите развиени земји во светот коишто се стремат да станат развиени земји, кои создаваат младина која е заинтересирана за учење и за развој прават ваков пристап. Ова се најновите и  најмодерните пристапи кои ќе ги поримениме на новите генерации и ќе бидам среќа да ги видиме резултатите во наредниот периот- рече Царовска.

Професорката Симона Груевска Маџоска, од Институт за македонски јазик вчера реагираше за оваа тема која вели дека е скандалозна реформа на основното образование.

Нејзината објава на Твитер е во врска со презентација на Министерството за образование и Бирото за развој на образованието кои најавуваат дека веќе ќе нема посебен предмет историја туку историските факти ќе се учат како дел од “Општествени науки”.

ВИДЕО | Груевска Маџоска: Укинат предметот историја, згрешена концепција и експериментирање со учениците!