Велика Британија прва во светот почна со вакцинирање со вакцината на компаниите АстраЗенека и Универзитетот Оксфорд. Прв вакцината ја прими 82-годишниот Брајан Пинкер во универзитетската болница на Оксфорд, рано утрово во 7.30 часот по локално време.

Пензионерот, кој со години оди на дијализа е пресреќен што прими вакцина.

BREAKING: Brian Pinker, an 82-year-old retired maintenance manager and a patient at Oxford University Hospital, has become the first to receive the Oxford-AstraZeneca vaccine.

Get more on this story: https://t.co/rLzBweY5PE pic.twitter.com/hfoQp49iQ2

— Sky News (@SkyNews) January 4, 2021

„Многу ми е мило што денеска добивам вакцина и навистина сум горд што таа е пронајдена во Оксфорд. Денеска медицинските сестрите, лекарите и персоналот беа одлични и годинава навистина можам да и се радувам на прославата на 48. годишнина од бракот со сопругата Ширли, рече тој.

Минатиот месец Британија прва во светот почна со вакцинација користејќи ја вакцината на Фајзер и Бионтек која мора да се чува на многу ниски температури. Досега оваа вакцина ја примија околу милион Британци.

Вакцината Оксфорд/АстраЗенека е поевтина и може да се чува во фрижидер па полесно се транспортира и користи. Индија во неделата оваа вакцина ја одобри за итна употреба.