Несомнено е дека економијата е во криза. Тоа го гледаме секојдневно. Но јас како млад бизнисмен ова го гледам како шанса да се излезе посилен и да се рестартира нашата економија во насока во која што се светските трендови – дигитализација, обновливите енергетски извори, инфраструктурата, обезбедување евтин гас. Кризата ќе заврши, но ние како бизнисмени треба да извлечеме поука – што понатаму, изјави во „Утрински брифинг“ на „Слободна ТВ“ Кирил Лазаров, претседател на македонско-бугарската комора.

-Во моментов е при крај проект за првата приватна Брза Помош во Македонија. Набавени се 7 возила кои ќе ја покриваат територијата на град Скопје и сето тоа ќе биде дигитализирано, повиците ќе бидат преку мобилни апликации и времето на интервенција на медицинските тимови ќе биде гарантирано. Комплетна услуга која произлегува од потребите на клиентите. Потребите освен panic тастерот кога имаат проблем ќе служи и кога ќе се има здравствен проблем. Идејата тлееше со години, но сега мислиме дека е право време. Селектиран е млад, амбициозен и квалитетен кадар. Идејата е уште пред четири, пет години. Ќе имаме 20 тимови од самиот старт. Услугата ќе биде достапна за сите- вели Лазаров.

Разговорот со бизнисменот Кирил Лазаров погледнете го во видеото.