Маж во градот Новосибирск, Русија, држејќи отворен чадор скокнал од осмиот кат на зграда, по што починал на пат кон болница.

Инцидентот се случил денеска и мажот пред соседите грабнал чадор, излегол на балконот и паднал.

„Пред да падне, силно викаше, вознемирувајќи ги сите. Се чинеше дека многу испил, со чадорот се качи на балконот и падна“, изјавија очевидци за Atas.info.

Погледнете го видеото:

In #Novosibirsk, a man jumped from the eighth floor using an umbrella instead of a parachute. On the way to the hospital, he died. pic.twitter.com/QQJaamq8uB

— NEXTA (@nexta_tv) May 18, 2023

Соседите веднаш повикале брза помош и болничарите се обиделе да му укажат прва помош. Меѓутоа, мажот починал во возилото на Брзата помош на само неколку метри од болницата.

„Жртвата беше на возраст од 40 години. Тој се здоби со повреда на главата и скршеница на ногата“, изјави извор за Atas.info.

„Полицијата прими дојава за инцидентот и полицајците се упатија на местото на настанот“, коментираат од полициската управа во Новосибирск.

Во меѓувреме полицијата отвори истрага за околностите за трагичното загинување на овој човек.