ВИДЕО: Автобус со српски ученици удри во банкина на автопат, на шоферот му се слошило
Попладнево околу 14:30 часот на автопатот Белград-Ниш кај излезот Баточина, автобус кој превезувал ученици од Ниш го пробил насипот и удрил во банкината на средината меѓу двата автопатски правци, јавија српските медиуми.
Според првичните информации, автобусот со нишките гимназијалци се враќал од екскурзија во Шпанија. На само стотина километри од Ниш, на возачот според неофицијалните сведочења на учениците, најверојатно му се слошило и ја загубил контролата врз автобусот,кој удрил во заштитната ограда и ја пробил, но за среќа немал доволно брзина да излезе на спротивната лента на автопатот.
Медиумите пишуваа дека повреден е само возачот на автобусот, но не се знае степенот на тежината на неговите повреди.
Децата кои биле во автобусот се безбедни. На видеата кои ги објави Инстаграм профилот 192_rs, може да се забележат деца како стојат на страната на патот.
