Баерн Минхен денеска загуби од Аугсбург во седмото бундеслигашко коло со 1:0 и веќе четврти натпревар по ред изненадувачки актуелниот шампион не знае за победа. Стрелец на единствениот гол за Аугсбург го постигна Бериша во 59 минута од мечот.

Пред овој меч на „ВВК“ арената, играчите на тренерот Јулијан Нагелсман во германскиот шампионат ремизираа трипати во низа против Борусија Менхенгладбах, Унион Берлин и Штутгарт, а сега за првпат сезонава го вкусија и поразот.

Воедно за првпат од јануари 2002 година гигантот од Минхен да не слави четири мечеви по ред во првенството.

На табелата Баерн е на четвртото место со 12 бодови, три помалку од водечкиот Дортмунд, додека Аугсбург е на 11 место со девет бодови.

Во другите денешни натпревари: Баер Леверкузен – Вердер Бремен 1:1, Дортмунд – Шалке 1:0 и Штутгарт – Ајнтрахт Франкфурт 1:3.