ВИДЕО | Aнтони херој на Манчестер Јунајтед, Нотингем немаше сили за изненадување
Фудбалерите на Манчестер Јунајтед на гостински терен славеа победа против Нотингем Форест со 2:0 во рамките од 31-то коло во англиската Премиер лига.
Првпат после подолго време во стартниот состав на Јунајтед поради повредата на Лисандро Мартинез се најде Хари Мегваер. Домаќините создадоа неколку прилики на почетокот на мечот, а кого не ги реализираа стигна казната во 32-та минута кога Антони ја собра топката по еден шут на Марсијал и ја смести топката во мрежата.
На почетокот на второто полувреме одлична прилика пропушти Фернандеш кој ја погоди пречката, меѓутоа спас за домаќините немаше во 76-та минута.
Антони ја „измеша“ одбраната на Нотингем и го проигра Диого Жота кој ја заврши акцијата со гол.
До крајот на натпреварот немаше поголеми возбудувања, па Манчестер Јунајтед така стигна до 59 бода и третата позиција на која пред ова коло беше Њукасл.