ВИДЕО: Англичанките за првпат на европскиот фудбалски трон
Англиската женска фудбалска репрезентација го освои Европското првенство, откако во финалето ја совлада Германија по продолженијата со 2:1.
На преполниот стадион „Вембли“ во Лондон, англиските фудбалери се закитија со титулата европски шампионки во фудбал. За првпат во својата историја, женската селекција на Англија доаѓа до големиот европски трофеј.
Од друга страна, Германија, најтрофејната репрезентацијата, после осум успешни, го бележи првото неуспешно финале. Немаше голови во првото полувреме, а во 62 минута поведе Англија преку Тун која го лобуваше противничкиот голман.
Се играше 79 минута кога Германките дојдоа до израмнување. Васмут уфрли ниска топка во шеснаесетникот на Англија, а тмау Магул добро реагираше и постигна гол.
Клучниот момент се случи во второто продолжение, поточно во 110 минута. После корнер и мешаница во казнетиот простор на Германија, Кели одлично се снајде и го постигна својот прв гол во дресот на репрезентацијата.