Обединетото Кралство на Велика Британија и Северна Ирска се соочува со најголем пад на потрошувачката моќ во последните 70 години поради зголемените трошоци за живот. Владината независна организација за прогнозирање на трошоците рече дека приходите на домаќинствата, кога ќе се земат предвид растот на цените, ќе паднат за 6 отсто оваа и следната година, според Би-Би-Си.

Тие предупредуваат дека животниот стандард нема да се врати на нивоата пред пандемијата до 2027 година. Најавите доаѓаат откако британскиот канцелар на финансии Џереми Хант изјави дека економијата ќе се намали оваа година, но ќе избегне рецесија. Сметките за енергија и храна вртоглаво пораснаа поради војната во Украина и пандемијата и ги оптоваруваат домашните буџети.

До крајот на оваа година инфлацијата треба да се преполови на 2,9 отсто, соопшти Управата за буџетска одговорност (ОБР). Но, засега, бројката е сè уште многу висока и многу над просечните плати. Падот на реалниот расположлив приход на домаќинствата би претставувал „најголемиот двегодишен пад на животниот стандард од 1950-тите, откако започна евиденцијата“, рече Ричард Хјуз, претседател на OБР, објави Кликс.ба.