Вејн Руни: Пиев алкохол додека не се онесвестев
Една од англиските фудбалски легенди во раната младост барал бегство од стресот и притисоците на славата во алкохолот. Знаел со денови да пие во својот дом
Вејн Руни (38) се отвори за својата злоупотреба на алкохол на почетокот на фудбалската кариера, велејќи дека пиел „речиси додека не се онесвестел“.
Сегашниот менаџер на Бирмингем зборуваше за тешкотиите со кои се соочувал за да се справи со притисокот на славата.
Руни во сениорскиот тим на Евертон влезе на 16-годишна возраст, стана англиски репрезентативец на 17 години и му се приклучи на Манчестер јунајтед на 18 години, но рече дека неговиот висок лет има цена.
– Моето релаксирање во моите рани 20-ти години беше алкохолот. Би поминувал по неколку дена дома и не би излегувал. Би пиел речиси додека не се онесвестам – искрен е Руни.
Вејн Руни, една од најголемите ѕвезди на фудбалот на Островот, не се чувствувал пријатно во друштво на луѓе.
– Не сакав да бидам покрај луѓе, бидејќи често се чувствував непријатно. Понекогаш се чувствував како да сум ги разочарал луѓето и на крајот не знаев како поинаку да се справам со тоа. За среќа, веќе не се плашам да одам и да разговарам со луѓето за најразлични прашања – вели Руни.